La Grande Strada delle Dolomiti di Karl Felix Wolff

Dò egn de gran lurier, vegn fora zacan te na edizion per talian n gran classich de la letradura damont, scrit da Karl Felix Wolff – l’Autor de “I Monti Pallidi” – publicà del 1908 col titol Monographieder Dolomitenstrasse en ocajion de l’inaugurazion del stradon Busan-Cortina, la infrastruturapionieristica che farà cognoscer a dut l mond la Dolomites desche straordenare patrimonienaturalistich, turistich e etnografich.

L liber, che tol ite ence n capitol no amò publicà sul grop de la Marmolèda e i lesc dintornvìa, lvegn fora per scomenzadiva de l’Istitut Cultural Ladin te la colana spezialisèda de “Nuovi SentieriEditore”, con na introduzion storica de Ulrike Kindl e col patrozinie de la Fondazion DolomitesUNESCO.

L liber l’é trop de più che na scempia guida per alpinisć e escurscionisć: l teritorie de la Dolomitesde Fascia é descrit tel menù te sie aspec morfologics, geologics e antropics, na “suma” de granvaluta, scrita con capazità e amor, su la storia culturèla de nosc raion, su la pedies di veies popuialpins, co na rica dotazion de notes su lengaz, toponomastica, lejendes e tradizions di Ladins dela Dolomites, n popul che ai tempes chierìa sia identità te la cornisc del senester conflit anter i doinazionalismes al scomenz del Nefcent.